LU
Am Kader vum 50. Anniversaire vun der Zolwer Jugendmusek freeë mir eis, Iech op ee ganz spezielle Fréijoersconcert ze invitéieren.
Net nëmme kommt Dir bei dëser Geleeënheet an de Genoss vun eise jonke musikaleschen Talenter, mee mir huelen Iech mat op eng Rees an d’Vergaangenheet vun eisem Jugendensembel, mat där enger oder anerer Iwwerraschung a mat e puer méi oder manner ale Gesiichter.
Ënner der Gesamtleedung vum Laurène Schuller kënnt Dir Iech op ee flotten a lëschtegen Nomëtte freeën.